الكسر الزورقي
الكسر الزورقي هو من الكسور الشائعة والهامة في منطقة الرسغ واليد
📍كيف بصير الكسر الزروقي؟!
عند السقوط على اليد الممدودة و بوضعية البسط المفرط للمعصم.
📍سريرياً:
هالكسر مخادع سريرياً يعني التظاهرات الي بيعطيها طفيفة وغير واسمة تماماً مثل :
1-ضعف اللقط بين السبابة والابهام
2-انزعاج في منطقة “منشقة المشرحين”
3-الألم عند البسط المفرط
📍من اختلاطات الكسر:
1-عدم الاندمال وهو الأشيع
2-نخرة جافة في الجزء القريب من العظم
3-تنكس المفصل
4- تمزق الأربطة بين العظمين الهلالي والزورقي
📍الكسر الزورقي شعاعياً:
بتجي وبتعمل صورة شعاعية للرسغ شو بتشوف؟!
تقريباً بأول عشر أيام مامنشوف أي تبدل يعني الصورة بتبين طبيعية ..بعد هالوقت ببين الكسر عالصورة.
📍الصورة الشعاعية الي لازم نعملها لنكشف الكسر يجب أن تكون بأربع زوايا مختلفة =>أمامية خلفية ،جانبية ، ميلان 45°للأيسر ،ميلان 45°للأيمن .
📍طيب وبعدين؟!
حتى لو مو متأكدين إنو كسر زرورقي يعني الصور طلعت طبيعية بس في إيلام بمنطقة الرسغ نعتبر إنو في كسر زورقي ومنعمل جبيرة بوضعية [حامل الكأس] ومننطر أسبوعين ومنرجع منعمل الصورة الشعاعية ..
هون في احتمالين : اذا بيّن الكسر منخلي الجبيرة بعد أربع أسابيع ، اذا مافي كسر منشيل الجبيرة ونبحث على تشاخيص أخرى ..يعني أهم شي ننفي الكسر بعدين نتوجه لغيره من وثي أو تمزق اربطة ..
📍المدة الكلية لجبيرة الكسر الزورقي 6أسابيع
د. وئام أبو عساف
المصدر https://www.thevetexpert.com/navicular-bone-horse-causes-diagnosis-and-treatment/