هل ممكن أن تكون رائحة عطره هي الدواء ؟
وقت رح تروحي بأول لقاء لتقابليه .. رح يكون دماغك متحمس قلقان متشوق سعيد وعايش حالة الحب .. رح تشمي ريحتو لتنقل أعصابك هي الريحة لدماغك .. ومتل كل سيالة عصبية بتجي عن طريق الحواس رح يدركها الدماغ بالقشرة ليبعتها عالحصين يسجلها ويحفظها بس بالطريق رح تمر عمركز العاطفة تخبر الجهاز الحوفي أنو هالريحة مرتبطة بالحب ❤️
رح ترجعي كل ما شميتي هالريحة تحسي بنفس الإحساس الأول لأنو دماغك رح يرجع يعرضو نفسو متل ما حفظو ..
رح ترجعي بعد مشوارك من سعادتك عندك طاقة كبيرة تدرسي تشتغلي تعملي كلشي ممكن ينعمل .. لأنو رائحة العطر اللطيفة قادرة تعبر الحاجز الدماغي الدموي وتتفاعل مع مستقبلات الجهاز العصبي المركزي لتحسن وظائفه .. بتتخيلي حتى ريحتو قادرة تدفعك للنجاح ✨
ولو كنتي متوترة حتقدر ريحة العطر تهديكي .. هيي بتخفض الضغط ، بتحسن النبض ، بتخفف من توتر العضلات وبتدعم جسمك كلو ليكون أفضل لو كانت الريحة بالنسبة لدماغك لطيفة وحلوة ..
بالختام:
آخر شي رح خبرك ياه أنو من زمان الحضارات القديمة كان عندها شي اسمو #العلاج_بالرائحة .. كانت تستخدم روايح مختلفة لتعالج أمراض عصبية ونفسية وجسدية مختلفة !
وعلى فكرة له رائحة خاصة فيه ولكل حدا رائحة بتميزو لأنو الرائحة يلي عم تشميها هيي مزيج ذرات العطر مع ذرات عرقو وجسدو وهي كمان حقيقة علمية ❤️
كنت معكم سَماح صالح محمد ♥️
حياتكن حب وروايح حب لطيفة وحلوة ♥️