👨🏻🦰:سمعت يا أبو محمد كيف مات جارنا ؟
🤵🏻لا والله كيف !!
👨🏻🦰:فات عالمشفى حالة كريب عطوه إبرة ديكلون قتلوه !!
🤵🏻:يا ساتر معقول ما بيعرفوا يعطو إبرة ديكلون ؟! عمي الطب لبرا هون ما في طب 😷
كثير بيتردد عمسامعنا هالحديث وكثير بينظلم أطباء بسبب هالقصة 💔ونحنا راح نحكي شو صار
ماهي متلازمة كونيس؟
هي عبارة عن متلازمة بصير فيها تشنج حاد بالشرايين الإكليلية المغذية للقلب وذلك كارتكاس تحسسي شديد وبالتالي احتشاء القلب وتموته 💔😭
طبعا هالمتلازمة حدثت على:
- شرايين إكليلية طبيعية
- او ممكن شرايين فيها تصلب بس غير عرضي (يعني بقلولك كان بصحة العافية)
- وأيضاً ممكن على شرايين إكليلية عند مريض مع سوابق احتشاء وتصلب عصيدي
اقرا مقال تسلخ الشريان الابهر ام احتشاء عضلة قلبية
الأسباب :
- ممكن الأدوية💉💊 ومن هالأدوية اللي ممكن تسبب هالمتلازمة : NSAIDs بأنواعها (ديكلون مثلا ) ، وبعض المضادات الحيوية
- أو طعام بيتحسس منه المريض
- وممكن لدغة حشرة
والحمدلله هيي حالات نادرة لكن موجودة للأسف 😫 وعبروح ضحيتها سمعة أطباء ومشافي ولهيك حبينا نعرفكن فيها ❤️والله يبعد الأذى عن الجميع
ملاحظة:
تم وصفها لأول مرة من قبل العالم كونيس بال1991 و سجلت حالات بالأدب الطبي عن حدوثها
اللي بحب الاستزادة رابط المقال والمناقشة والمراجع بالرابط التالي:
Allergic acute coronary syndrome (Kounis syndrome)
https://www.ncbi.nlm.nih.gov/pmc/articles/PMC4462222/
د.رأفت بحصاص