fbpx

فيتامين D وأشعة الشمس

 

بهالفترة معظم الناس تهرب من الشمس و عم نقضي معظم أوقاتنا داخل الأبنية و إذا البعض فكر يطلع عم يستخدمو واقيات الشمس

الأعراض المترافقة تتضمن:

  •  تعب و ارهاق
  • و اضطراب بالنوم
  • ألم عضلي ومفصلي
  •  اكتئاب
  • تنقص المناعة بشكل عام و التعرض للأمراض المعدية بشكل مستمر
  • بطئ بشفاء الجروح و تقصف الأظافر و هر الشعر
  • زيادة الخطورة لحدوث الأمراض القلبية والسرطانات بشكل عام

الأسباب التي تؤدي لذلك:

نمط الحياة السابق رح يعرض أي شخص ليصير عندو #عوز فيتامين D وهو من أهم الفيتامينات بالجسم لأنو إلو أدوار كتيرة بالجسم بتداخل مع المناعة و عمل العضلات و الاعصاب و تنظيم الكالسيم بالجسم ..الخ )

ماهي مصادر فيتامين D :

أهم مصدر هو تعرض الجلد لاشعة الشمس فوق البنفسجية من هون بتكون بداية اصطناع الفيتامين. و طبعاً موجود بمصادر غذائية

 

البعض بقول طيب نحنا عم نمشي كتير بالشمس و مع هيك صار معنا ؟؟؟

خلونا بداية نتفق انو لحتى يتصنع هالفيتامين بشكل جيد لازم تتعرض مساحة كبيرة من الجلد للشمس و فترة كافية

 

السيدات مثلاً : أول شي عم تطلع بواقي شمسي وهالشي بيضعف عملية تصنيع الفيتامين

ثانية لأسباب دينية عم يتغطى الجلد كاملاً فالطلعة بالشمس هون ما رح نستفيد منها و ما فينا نحسبها ( و الحل هون بكون كشف الجلد و التعرض للشمس بمكان مستور على الأقل 15د يومياً و نحافظ على هالعادة يومياً

 

و أيضا بهالحالة لازم نعوض الفيتامين بطرق تانية أما بالتغذية (نزيد استهلاك الاطعمة اللي بتحوي هالفيتامين ) أو بأخذه كمتمم غذائي .

 

طرفة 😅

الشقرة : عم تجاكر رفيقتها السمرة وتقلها >>> بتعرفي أنو السمر معرضين لعوز فيتامين D بشكل أكبر من البيض لأنو الميلانين بالجلد عندهن يضعف وصول الاشعة فوق البنفسجية

السمرة : بس يا ترى بتعرفي أنتي أنو الشقر معرضين لسرطان الجلد أكتر بكتير من السمر لأنو هاد الملانين نفسو اللي خفيف عندك هو اللي بيحمي الجلد من أشعة الشمس 😅

 

ماهي المصادرالغذائية لفيتامين D :

من اهم المصادر : الاسماك بشكل عام و الكبد و الحليب و البيض و البرتقال

دمتم_سالمين 🙂

د. خالد جمعة

المصادر العلمية:

helthline

goldman and cecil

medscape