👩🏻:دخيلك يا دكتور طمني والله ما كان فيه شي كان عم يلعب برا وفجأة هيك رجع عالبيت 💔
🧑🏻⚕️:طولي بالك يا مدام انشالله مافيه شي بس قليلي شو صار بالضبط ..
👩🏻:والله يا دكتور كان عم يلعب برا وفجأة رجع وجهو احمر وحرارتو متل النار حكا كلمة و وقع عالارض فورا حملتو واجيت لعندك ..
🧑🏻⚕️: سلامتو انشالله غالبا هي ضربة شمس ونحنا رح نتأكد ..
👩🏻:ضربة الشمس بتعمل كل هاد ‼️
🧑🏻⚕️:للاسف اي بتعمل كل هاد وممكن توصل بالمريض لمرحلة الموت 💔
كل حدا ممكن ينحط بهيك موقف وكل أم ممكن يصير معها هيك…بالاخير السبب طلع ضربة شمس🌞
جاهزين لموضوع اليوم‼️يلا نبلش..
متل الايام هي درجة الحرارة بتكون مرتفعة كتير كتير ل درجات مؤذية وارتفاع درجات الحرارة برافقها إهمال الأهل ل اطفالن واهمال الموضوع هاد كلو تحت مقولة:
❕يلا كلها ضربة شمس ❕
كيف تحدث ضربة الشمس ‼️
كتير مننا منطلع نلعب رياضة أو حتى منكون عم نشتغل تحت الشمس أو حتى عم نتسلا مع رفقاتنا ..ومؤخرا ظاهرة نطرة للسرافيس يلي سببت كتتير حالات إصابة ب ضربة الشمس
بالاحوال الطبيعية وبدرجة الحرارة العادية جسمنا بحاول يعدل درجة حرارة الجسم عن طريق إفراز العرق بس لما تكون درجة الحرارة أعلى من قدرة الجسم على التبريد مننصاب ب ضربة الشمس لانو بهي الحالة بكون الجسم عم يكافح ضد الحرارة ل تبريد الجسم
من المعرضين بشكل أكبر ل الإصابة ب ضربة الشمس ‼️
طبعا كل الأعمار معرضة يعني اطفال وشباب وحتى كبار السن بس المعرض بشكل أكبر هنن :
- الاطفال وبشكل كبير
- كبار السن
- يلي بعانو من أمراض عقلية أو أمراض صحية مزمنة
أعراض الإصابة ب ضربة الشمس:
- تعرق شديد
- غثيان
- التنفس السريع
- العطش الشديد
- خفة الرأس
- وزيادة معدل ضربات القلب
- واخيرا واهم شي الحرارة 💔
حيث ممكن توصل درجة حرارة الجسم إلى 104 فهرنهايت أو أكثر ويرافقها نوبات فقدان وعي
كيف أتجنب الإصابة ب ضربة الشمس ⁉️
أكيد مارح نبطل نطلع ومارح توقف نشاطاتنا اليومية بس المطلوب :
- ارتداء قبعة شمسية ل حماية الرأس وارتداء ملابس ب الوان فاتحة و حجم واسع 🤍
- الاستمرار في شرب السوائل وبشكل كبير للوقاية من جفاف السوائل وتجنب الكافئين💧
- اخذ استراحة قصيرة أثناء ممارسة الرياضة أو العمل أو غيره 🤍
وهاد كان كلشي 🤍
انتبهوا على حالكن وعلى اطفالكن..كل الحب الكن 🤍
كنت معكن انا محمد حمامة 🤍