كتير منسمع جملة فلان عم يعمل غسيل كلى بس أغلبنا ما منعرف كيف بتم هي العملية 🤷🏻♂️
جهاز غسل الكلى:
هذا الجهاز بتم استخدموه من قبل المرضى يلي عندن اضطراب ومشاكل بوظيفة الكلية.. يعني الكلية عندا وظائف كتير بتخدم فيهن جسم الإنسان متل الاطراح
بس لما تتعب الكلية وتبطل تقوم بوظائفها..💔
لازم نستعين ب مصدر خارجي ل يحل هي المشكلة ويلي هو جهاز غسل الكلى..🙌
هاد الجهاز بياخد الفضلات الضارة والسوائل الزايدة من الكلية لأنو هيي غير قادرة على التخلص منهم..
ماهي الأعراض:
لما بتتعب الكلية بتظهر عند المريض اعراض.. وعن طريق هي الاعراض بيعرف انو عندو اضطراب بعمل الكلية أو ما يسمى ( بالفشل الكلوي ) ويلي هنن :
- ضيق تنفس
- غثيان وإرهاق
- قلة التبول
- التشوش وضربات قلب غير منتظمة
- وتورم الساقين أو الكاحلين لأنو الكلية ماعم تقدر تتخلص من السوائل الزائدة بالجسم ف رح يصير عنا احتباس سوائل بالساقين وهاد الشي رح يسبب تورم💔
اقرا حول الدوران الدهليزي :
آلية عمل هذا الجهاز ومما يتكون؟ 🙌
بيتكون من أنبوب متفرع إلى فرعين شرياني و وريدي بينوصلو الفرعين في يد المريض اغلب الوقت وممكن بالرقبة..يتم انتقال الدم من جسم الانسان عبر الفرع الشرياني إلى جهاز غسل الكلى بداخل هاد الجهاز في فلاتر ومواد كيميائية كتيرة بتساعد على تنقية الدم بالإضافة إلى سائل الغسيل الكلوي.. واهم شي بهاد الجهاز هوي غشاء يسمى بالغشاء نصف النفوذ هاد الغشاء بيفصل بين الدم وسائل الغسيل الكلوي ولولاه كان اختلط الدم يلي بيحتوي على فضلات مع سائل غسيل الكلى يلي بتنتقل هي الفضلات عليه ❤️
وبما انو نصف نفوذ ف هوي رح يسبب بتوقيف بعض الفضلات الموجودة بالدم والماء الزائد ويمنعون من إكمال الطريق..طبعا كمية الفضلات يلي بوقفها بتعتمد على كمية الدم يلي بتغذي هاد الغشاء..أما بالنسبة للسوائل الزائدة بيستخدم الجهاز طريقة الضغط ل يمتص السوائل من الدم عبر الغشاء وينقلها إلى سائل غسيل الكلى🤍
ما هو مصير هذه الفضلات؟
الغشاء نقل الفضلات والسوائل الزائدة من الدم إلى سائل الغسيل الكلوي..أما بالنسبة للدم فهوي رح يكمل طريقو و يغادر الجهاز ويوصل للفرع الوريدي من الانبوب وبعدين رح يدخل جسم الانسان مرة تانية بعد ماصار خالي من الفضلات والسوائل الزائدة 😍
هي العملية بتصير بعد التخدير مشان مايحس المريض ب الم والمريض لازم يعمل هي العملية تقريبا ٣ مرات بالاسبوع يعني تقريبا ١٢ مرة بالشهر وهي العملية ممكن تاخد وقت طويل ف هيي بتستغرق مابين ال ٤ إلى ٢٤ ساعة 🩸
لازم نعرف انو برافق هي العملية نظام غذائي يتم وضعه بواسطة الطبيب المشرف على حالة المريض..
هل المريض قادر أن يعيش حياة عادية؟
والفترة التي يقدر ان يبقى فيها الإنسان على قيد الحياة باستخدام هذه الآلة؟
اكيد بيقدر يعيش حياة طبيعية متلو متل أيا شخص تاني بس اهم شي انو يتقيد ب مواعيد جلساته وما يقطعها ابدا وبالنسبة ل عدد السنوات يلي بيقدر المريض يعيشها أول شي الاعمار بيد الله..♥️
أما إذا بدنا نحكي بشكل علمي هاد شي بيرجع لمدى الإصابة والمرض و ايمت تم اكتشاف الإصابة..بس في عنا أشخاص قدرو يعيشو ٢٠ و ٣٠ سنة باستخدام جهاز غسل الكلى..🙌
إيجابيات وسلبيات جهاز غسل الكلى:
المريض رح يكون قادر على فهم ظروف الحياة والتكييف معها ويتعامل معها بإيجابية..
اما عن السلبيات واهمها انو المريض بيفقد قدرتو على الإنجاب..
بعد كلشي قرأتوه بحب نوه على انو هي العملية كلها بتصير ضمن جسم الانسان العادي كل يوم وبدون مايحس وبدون ما يشعر وهاد الشي بدل على عظمة الخالق وحبو ل النا❤️
كل الحب الكن ❤️
كنت معكن انا محمد حمامة ❤️