آداب زيارة المولود الجديد:
1. يفضل في أول أيام الولادة الاطمئنان بالهاتف عن صحة الأم والمولود.
2. لا تحملي الطفل الرضيع ما لم يسمح لك.
غالباً ما تكون مشاعر الأبوة والأمومة في ذروتها خصوصاً بعد ولادة الطفل الرضيع، لذا توخي الحذر ولا تقومي بحمله أو نقله من غرفة الأم كأنه لعبة جديدة….ما في داعي للفضول الزائد..
3. لا تبوسي الطفل فالجراثيم قد تسبب له الامراض أو حتى الوفاة …
4. لا تروحي إذا كنتِي مريضة؛ والله ما حدا بيعتب عليكي إذا اتصلتي و اعتذرتي….
5. لا تصوري الطفل الرضيع إلا بعد الاستئذان من أمه، و لا تنشري صوره على مواقع التواصل الاجتماعي إلا بعد موافقتها….هنالك خصوصيه يجب مراعاتها..
6. كوني خفيفة الظل و لا تعمليها زيارة بعمارة وتجيبي معك شله أولاد وتفتحي مدرسة بحجة جاية تباركي لأن البيبي بكون حساس والام اكيد بحاجة للنوم أثناء غفوات صغيرها.
7. لا تسالي الأم اذا كانت ناوية تجيب بيبي ثاني. اتركيها بحالها؛ و لا تستهوني وجعها…
8. اذا كانت المولودة بنت لا تواسيها للأم و تقوليلها “الله يبعتلك صبي و معلش لا تزعلي اللي جابت البنت بتجيب الصبي…”البنت مثل الصبي و ما حدا زعلان من جية البنت ريحي حالك انتي…
9. لا تنتقدي الإسم اللي اختاروا… اذا ما عجبك احتفظي برأيك لحالك، الناس أذواق و بعدين أكيد هم ما اختاروا أسماء أولادك .
مغص الرضيع ( ما هي أسبابه وكيفية تدبيره ):
10. اذا عندك نصيحة حلوة قوليها بدون ما تهزئي الأم وتتفهمني عليها… و لا تقضي الزيارة انتقادات على هيك بصير و هيك ما بصير…
بالختام:
احترمي خيارات الأم و قوانينها و الأسلوب اللي متبعته مع طفلها، بلا النصائح الذهبية تبع شيلي من إيدك هلا بيتعود عالحمل و لا تعطيه صناعي و لا تعطيه لهاية و إلخ….
د . أمين صالح قبنض