👦🏻:بتعرف شريكك والله الي يومين ما عم اقدر نام ومابعرف ليش💔
👦🏼:طيب جربت تسمع موسيقى هادية؟
👦🏻: مو وقت المزح عم احكي جد 😠
👦🏼:مين قلك إني عم امزح طيب رح اثبتلك هاد الشي 😁
جاهزين لموضوع اليوم❗ يلا نبلش
الموسيقا وتأثيراتها :
الموسيقا إلها تأثير كبير على كل من الجسد والمشاعر ورح نعرف كيف بتأثر على التنين:
تأثيرها على المشاعر:
بالنسبة للمشاعر دائماً الموسيقا المبهجة رح تخليك تشعر ب تفاؤول وإيجابية تجاه الحياة العامة 😍 بالإضافة إلى إنو الموسيقا بتساعد الشخص على التخلص من التوتر والضغوطات اليومية يلي كل شخص فينا بيتعرضلها خلال نهارو وبتساعدو على إنو يسترخي ويقدر يدير وينظم اعمالو بشكل احسن بكتير 🎧❤️
تأثيرها على الجسد :
أما بالنسبة للجسد الموسيقا بتساعد على تهدئة العقل وترخية العضلات … حيث هذا الشي كلو نتيجة أبحاث علمية كانت نتيجتها إنو الإستماع الى الموسيقى يلي بتبلغ حوالي 60 نبضة بالدقيقة رح تخلي الدماغ يتزامن مع الإيقاع وهاد الشي بسبب تشكيل موجات ألفا الدماغية 😍❤️
ما هي الموجات ألفا؟
هي الموجات هي المسؤولة عن الاسترخاء وكمان هي يلي بتحث على النوم 😴
هل فعلاً الموسيقى بتساعد على النوم⁉️
أي عنجد وفي أشخاص بتخصص مدة 45 دقيقة بتسمع فيهن موسيقى محددة وطبعاً ب وضع مريح بدون سماعات وهاد الشي رح يكون قادر على تغيير أداء الدماغ بنفس القدرة يلي عند الأدوية💊متخيلين😳⁉️
واكيد طبعاً في أنواع محددة للموسيقى هيي يلي بتساعد بالحصول على الرواق والاسترخاء ويفضل تكون موسيقى فقط بدون كلمات متل موسيقى الجاز الكلاسيكية ❤️ وأكثر نوع موسيقى مشهور بهاد الشي هيي أصوات المطر والرعد والطبيعة لما بتم دمجها مع موسيقى أخرى❤️🎼
وهاد كان كل شي 😍❤️
كل الحب ل قلبكن🤍
كنت معكن أنا محمد حمامة