fbpx

الفصام والإبداع وعلاقته ب جون ناش

الفصام_والإبداع ‼️

 

غريب يجتمعوا التنين سوا .. مريض نفسي ومبدع خلّاق بنفس الوقت !

 

جون ناش john nash عالم رياضيات واقتصاد

قضى حياتو ببحر العلم والتعليم لصار عمرو

30 سنة صارت تظهر عليه سلوكيات غريبة ..

يحس العالم عم تلاحقو بدها تأذيه ويشعر بنفسو أنو

هوي حدا مهم جداً عظيم جداً وعندو قوى خارقة

مانها موجودة عند الناس الطبيعيين .

 

زوجته وقت لاحظت عليه هالتغييرات أدخلتو مشفى

الأمراض النفسية حتى يتشخص جون باضطراب نفسي

يسمى الفصام schizophrenia من نوع الفصام

الزوراني يلي بيتصف بالأعراض يلي كانت تجيه تماماً من توهم العظمة والتوهم الاضهادي .

وبهداك الوقت ولسوء حظ جون أو حسنه ما كانت

متوفرة الأدوية الموجودة حالياً لعلاج الفصام لذلك

كان دخوله عالمشفى غير مجدي .. طلع وفات

عالمشفى أكتر من مرة حتى ينتهي الأمر فيه أنو

يوقف تناول العلاج ويعتمد عالدعم المحيط فيه

والنتيجة كانت منيحة أنو جون يتحسن مع تقدم العمر ويقدر يسيطر على أعراضو .

وفق الأبحاث يلي صارت بهداك الوقت تبين أنو 20%

من مرضى الفصام كانوا يشفوا مع الوقت بدون

علاج طبي مقابل 80% ساءت حياتهم بشكل كبير جداً ..

وبعد توافر العلاج الطبي المناسب ارتفعت نسبة شفاء

المرضى لل 60% لذلك ما فينا بتاتاً نستهين بالرعاية

الطبية ونترك الأمر للوقت حتى ننطر المريض يتعالج أو يموت !

 

أما  الأخصائيين النفسيين فسروا حالة شفاء جون بنوع

الفصام عندو يلي بيتميز بالإنذار الجيد بالإضافة للدعم

المحيط يلي ساعدوا على التحسن .

 

وجون ناش اجاه ولد عبقري متلو وانصاب بالفصام متلو

ليكون جون بحالتو هي دليل على أهمية الاستعداد

الوراثي بوصفه سبب من أسباب الفصام .

 

وغير هيك  في أخصائيين نفسيين بيرجعوا إبداع جون

بالاقتصاد لاضطرابو النفسي بحيث توهم الاضهاد عندو

صار يخليه يفهم أكتر كيف يتعامل مع الطرف المنافس

أكثر .. ربما !

 

 وبالختام:

لازم نصحح مفهوم خاطئ عندكم عن الفصام أنو هوي

انفصام شخصية والمريض بعيش شخصيتين بشخصية

واحدة وحدة الصبح وحدة المسا .. وحدة خيرة والتانية

شريرة والحقيقة أنو هالاضطراب نادر واسمو

#اضطراب_تعدد_الشخصيات ولنشرح شو يعني فصام بدنا أحاديث تطول وتطول …

 

هوي اضطراب نفسي خطير قاسي ومدمر .. بيأثر

عمختلف نواحي حياة المريض .. مادياً المريض غير قادر

على العمل ليصرف على حالو .. اجتماعياً منبوذ .. مهنياً

نفسياً عائلياً لكن للاضطراب علاج ورعاية خاصة

ولسا العلم عم يتقدم ليبحث عن حلول ووقاية.

 

يلي حابب كمان يعرف عن جون ناش بتقدروا تحضروا

الفيلم يلي حكا عنو اسمو A Beautiful mind .

 

بتمنالكم الصحة والعافية الجسدية والنفسية .

كنت معكم سَماح صالح محمد ♥️

اقرا الفصام(أعراضه، علاجه، بعض النصائح)