امبارح حاكاني طفل رائع بعرفه من زمان
التقيت فيه برحلة سياحية، عمرو 8 سنوات وطلب مني اعملو برنامج غذائي لينحف.
قلتلو :حبيبي رح تطول قريبا و كل اللي مدايقك رح يختفي لما عظمك يطول.
طلبت احكي مع والدتو فوراً وسألتها مين مضايق ابنك؟ومفوت براسو كلمة سمين؟ صوتو كان حزين .!🤔
قالتلي : عم يتعرض لبعض التعليقات من اللي حواليه.
راح امبارح يشتري هوت تشوكليت قام البائع خجلو وقلو انت سمين ما لازم تطلب هالمشروب
(مع احترامي لصحة ووجهة نظر البائع بس الأسلوب غلط⛔ )
الجواب العلمي والطبي :
في هذا العمر ممنوع نعمل أنظمة بغية التنحيف للطفل خاصة إن كان طوله مناسب لعمره.
لكن منركز بغذاؤه على تناول طعام صحي غني بالحديد والكالسيوم والمعادن والفيتامينات وأكيد بروتينات للبناء ودهون صحية ونشويات.
و نحاول نركزله على أنشطة حركية ونخفف القعدة مع الجوال .ونلغي المشروبات الغازية و نقلل (الأكلات الطيبة)التي ليس لها فائدة .
اقرأ ما الطول المثالي للأطفال ؟(الذكور فقط)
والدته مثقفة ومقدمة جهد كبير مع أبنها، لكن مجتمعنا محبط، وهو طفل موهوب مثقف حكياته أكبر من عمره و بيعزف موسيقا وبيسبح🤽♂️وعبقري بمجال الانترنت، وأيضاً سريع البديهة وفوق هيك مرح و نفسيته حلوة..
لذلك يجب أن نشجعه ونركز على تنمية مواهبه بدل أن نصرف انتباهه لجسمه فقط !
بإمكان والدته تعلميه كيف يأكل بشكل صحيح وسليم ونجعله يشاركنا بالمطبخ في تحضير وجبة صحية🍋🍆🥑🍅🌶 ونستبعد المكونات اللي بتضر 🌭🍕🍟🍔وهيك منكون عطيناه المعلومة بأسلوب غير مباشر ونعلمه من أول ما بيخلق انو الرياضة 🏃🏃♀️🏊♂️جزء.لايتجزأ من يومنا وهالشي بيتحقق بإنه نكون نحن القدوة بالبداية .
ايمت بدنا نتعلم ننشر الطاقة الإيجابية❤️ والتحفيز لأطفالنا جيل المستقبل الذكي !
ويسعد أوقاتكم بكل خير
شاركونا تجاربكم مع الأطفال.🌺
اختصاصية التغذية الصيدلانية ديما السمير