التبرع بالدم وفوائده وارشادات حوله

كتير منشوف على قنوات التلفزيون إعلانات إنو في أشخاص بحاجة ل دم إما بسبب إصابة معينة أو مرض محدد بسبب نقص في كمية الدم الموجودة عند المريض وهاد الشي بخليه محتاج دم 🩸

وللأسف أغلبنا بيتجاهل الموضوع خوفاً من الإبرة لأنو أغلبنا منخاف منها (وأنا منكن😅)..

طيب إذا قلتلكن إنو التبرع بالدم الو كتير فوائد⁉️

جاهزين لموضوع اليوم..يلا نبلش😍

 

🔳بالبداية لازم نعرف إنو التبرع بالدم مابفيد بس المتلقي للدم ..كمان هو يفيد المتبرع ولازم نعرف ان كمية الدم يلي بيتبرع فيها شخص واحد فقط قادرة على إنقاذ أرواح #تلت أشخاص متخيلين ‼️

 

 فوائد التبرع بالدم :

1. يخلصك من التوتر
2. يحسن صحتك العاطفية
3. يساعدك على التخلص من المشاعر السلبية
4. ويوفر شعور الانتماء
5. ويقلل شعور العزلة

 

 يوفر لك البترع بالدم  فحص طبي مجاني كيف يا ترى‼️

قبل التبرع بالدم رح يتحقق الشخص يلي رح يقوم بسحب الدم بالتأكد من الضغط ونبضات القلب ودرجة حرارة الجسم ومستويات الهيموغلوبين عند المتبرع 💉

 

اقرا حول الفليفلةpepper:

الفليفلة pepper ،فوائدها،محاذير تناول الفليلفة ؟

هل  التبرع بالدم يخفف من خطر الإصابة ب أمراض القلب ‼️

 

رح قلك أي لانو التبرع بالدم ب انتظام رح يقلل من مخزون الحديد وهاد الشي رح يخفف من خطر الاصابة بالنوبات القلبية🫀طبعا غير انو هوي منشط للدورة الدموية وبيعطي الجسم نشاط وحيوية🤍

 

الآثار الجانبية للتبرع بالدم :

برافق عملية التبرع بالدم آثار جانبية عند المريض بتتمثل ب:

•  الغثيان والدوخة مع العلم انو هي الحالة رح تستمر بضع دقائق فقط وبهي الحالة التصرف الصحيح هوي الاستلقاء مع رفع القدمين حتى يتساوى مستوى الدم في كل أنحاء الجسم
• ممكن يصير في نزيف مكان الإبرة والتصرف الصح هوي الضغط على مكان الإبرة مع رفع اليد وبهاد الإجراء رح يتوقف النزيف بعد بضع دقائق💉

 

بعض  الإرشادات الهامة حول التبرع بالدم :

1. لازم يكون عمرك أكتر من 17سنة.
2. يجب  تكون بصحة جيدة حتى تتمكن من التبرع.
3. وتقدم جميع المعلومات الصحية الخاصة بالمتبرع وتحديدا إذا في أدوية معينة يتناولها بشكل مستمر💊
4. ويجب أن يمضى 8 أسابيع على موعد التبرع الأول حتى نتمكن من التبرع مرة تانية💉

 

وهاد كان كلشي 😍

كل الحب الكن 🤍

كنت معكن انا محمد حمامة ✨