fbpx

الاندومتريوز(بطانة الرحم الهاجرة)

 

الحالة اللي رح نحكي عنها حالة شائعة جداً منتشرة بين السيدات بشكل كبير و هي حالة مزعجة جداً

و عادة بتجي الشكوى كالتالي :

سيدة 28 سنة كل دورة شهرية بتروح ع المشفى كذا مرة مشان تاخد ابر دكلون من شدة الألم البطني و بتذكر انو عندها التهاب بولي (انتان بولي ) و كل شهر بصيبها (شوف التفسير تحت ) و ببعض الأحيان بتبول دم خلال الدورة

و مشاكل هضمية كتير على راسها الإمساك

ومشاكل زوجية سببها عدم الرغبة بممارسة الحياة الزوجية >>> و السبب الحقيقي بكون أنو هالسيدة بتشكي من ألم شديد عند ممارسة الجنس و هالشي سبب عندها فوبيا :/

وعدا عن هالشي كلو بتشكي انو ما عم يصير حمل (نقص خصوبة )

– أنا متأكد انو عدد منيح من السيدات عم يقولو هي حالتي و فعلاً انتشار هالحالة 10 % من السيدات لكن شدة الاعراض تختلف من سيدة لسيدة

ماهي هذه الحالة ؟

هالحالة اسمها #الأندومتريوز أو بطانة الرحم الهاجرة (المكان الطبيعي لبطانة الرحم داخل الرحم أما بهالحالة بتكون بأماكن تانية )

ماسبب بطانة الرحم الهاجرة ؟

السبب غير معروف تماماً لكن ما يحدث هو هجرة للبطانة و انزراعها بأمامكن مختلفة من الجسم

أعراض الاندومتريوز  :

الأعراض بتكون حسب مكان انغراس هالبطانة و طبعا هالبطانة بتكون نشطة هرمونياُ يعني كل شهر بتتنخر و ننزف متل الدورة الشهرية تماماً  حيث

  1. اذا انغرست ع المثانة (بتعطيا أعراض بولية زحير بولي و حرقة وهالشي بيتشخص غلط على انو إنتان بولي –التفسير )

      2.  و اذا انغرست بالمستقيم (بتسبب اعراض هضمية متل الإمساك و الزحير الهضمي ) 

      3.  واذا انغرست حول المهبل واربطة الرحم و الحوض بتسبب ألم شديد خلال الجماع   

     4.    اذا انغرس بالمبيض  ممكن بهالحالة تعمل كيسات ع المبيض  

     5.   و في بعض الحالات ممكن تهاجر البطانة لأماكن بعيدة وتنغرس بالرئة و بتسبب نزف رئوي كل شهر 

 

 كيف يتم التشخيص ؟

التوجه بالقصة السريرية اللي غالباً ما بتكون الاعراض على اشدها باليوم الثاني أو الثالث من بداية الطمث وباستخدام الوسائل المساعدة مثل الايكو و المرنان و لكن يبقى التشخيص الأكيد عبر اخذ خزعة و دراستها نسيجياً

 

العلاج :

لن نشرح العلاج بشكل مفصل لان العلاج يتم بأشراف الطبيب المطلع على الحالة

تم تقسيم الحالة ل 4 درجات بناء على مدى انتشار البطانة الهاجرة و يتم العلاج حسب المرحلة .. لكن بالمراحل الخفيفة الأولى و الثانية يتم العلاج عرضيا فقط عبر مسكنات الألم

كما يمكن استخدام مانعات الحمل الفموية لتخفيف الاعراض

و بالحالات الشديدة يلجأ للجراحة وممكن أن نصل لاستئصال الرحم لإزالة الألم

 

بعض_المميزات :

الاندومتريوز يخف خلال الحمل و وذلك بسبب التأثيرات الهرمونية للحمل

و يشفى بعد سن الضهي بسبب نقص الاستروجين ( الاندومتريوز معند على الاستروجين )

 

إعداد د خالد جمعة